نغربل سميد و نخرج منو لحرش و نكيل ثلاث كيلات مع كيلة سمن و ذايبة و باردة مخلطة مع زيت و نبسس سميد جيداً و نحطو في علبة محكمة الإغلاق ونخليه يبات ليلة لغدوة نبدأ في الحشو هو الاول

نحط الكاوكاو مع السكر و العطر و نلمها بالماء العادي حتى نتحصل على عجينة نغطيها بكيس بلاستيكي

من جيهة نحضر العجينة لي كنا خليناها باتت ليلة كاملة نزيدلها لملح و فانيلا و و نص كيلة الفرينة و نلمها بالماء عادي حتى نتحصل على عجينة متماسكة

نشكل الحشو كرات صغيرة متساوية و نشكل العجينة كرات كبيرة متساوية و نحط الحشو بداخل العجين و نطبع بالطابع المخصص و نحطهم في سنيوة و نخليهم ستة ساعات تما نقدر ندخلهم الفرن يتحمرو من تحت و من فوق