نحضر الحشو نخلط الكاوكاو مع السكر مليح نزيد لاروم تاع اللوز المر و نبل بماء الزهر حتى نتحصل على حشو متماسك شوية و مش جاري باه مايخرجش من الصامصة كي نقليوها نغطيه و نخليه بجنب.

كي ترتاح العجينة نحكم بالكرية ونسبطها بالحلال مليح حتى تولي رقيقة مش بزاف حوالي 3 ملم و نهزها بالحلال نحطها فوق الطابع تاعي و نحكم الحشو و نحط في كل مثلث ملعقة صغيرة تاع الحشو كي نكمل كل المثلثات نحطها بجنب و نزيد نسبط كرية أخرى بنفس الطريقة نزيد نهزها بالحلال و نحطها فوق الأولى و نجيب حلال و نفوت عليها حتى يتطراساوا المثلثات و تتقسم نقلب الطابع نهبط المثلثات و نحطهم بجنب نكمل الكمية المتبقية و نقليها في مقلاة يكون فيها الزيت شوية بالزيادة على نار قليلة نحمرهم مليح و نحطهم يقطروا في كسكاس.

ملاحظة : التعسيل يكون غير للكمية الى حابين ناكلوها يعني مانعسلهمش كامل على ضربة ونخبيهم لانهم يطراو. وبالصحة والعافية.