إفتح في تطبيق كوكبادالخطوات
- 1
اول اشي منقسم اللحمة لكرات بحجم كرة التنس الكبيرة يعني النص كيلو بيطلعو ٥ قطع تقريبا و بعدين ونضغطهم شوي ليصيرو مسطحين و منزبط شكلهم و منرجعهم الثلاجة شوي لنحضر باقي المكونات
- 2
منخلط المايونيز و الماسترد و الكاتشب مع بعض
- 3
منغسل الخس و الطماطم و منقطع الطماطم شرائح و الخس منقطعه على حسب حجم الخبز
- 4
منخلط الزبدة و الثوم بصيرو زي الكريمة و بعدين مندهن خبز البرغر القطعتين من جوا بالزبدة و الثوم و منحطهم بمقلاية او على الشواية و منحمر الخبز شوي
- 5
منقطع المخلل
- 6
منقلي شرائح البيف بيكون ليتحمرو و يصيرو كرسبي و منحطهم على جنب
- 7
هلاء اجا دور البرغر 😋😋😋 منحط زيت بالمقلاية مقدار ٣ ملاعق كبيرة و منسخنهم منيح
- 8
منحط شرائح البرغر و منتبلهم بالفلفل الاسود والملح و منخلي البرغر لمدة دقيقتين تقريبا ليصير لونهم من تحت احمر وبعدين منقلبهم على الوجه الثاني ومنحط على الوجه التحمر شريحة جبنة التشيدر ومنخليهم ليتحمر الجزء السفلي وهيك بتكون استوت ولا تبالغو بالوقت عشان ما تنشف اللحمة بس المهم تتحمر منيح وبعدين منشيلهم ومنحطهم بصحن
- 9
قبل ما تحمرو البرغر كرملو البصل بتحطو البصل بمقلاية فيها شوية زيت و بتخلوهم على نار خفيفة ليدبلو و يصير لونهم اشقر و بعدين منشيلهم و منحطهم بصحن
- 10
مرحلة التطبيق 😋😋😋😋:
- 11
مندهن شرايح الخبز من الجهتين بصوص الكاتشب و المايونيز و الماسترد
- 12
منحط شريحة بيف بيكون و بعدين شوية بصل و فوقهم خس و بعدين منحط شريحة البرغر ومنحط فوقيها كمان شريحة بيف بيكون وشريحتين طماطم و المخلل المقطع و اخر اشي منحط قطعة خبز البرغر العلوية و هيك بكون خلص البرغر تبعنا 😋😋😋😋
- 13
طبعاً اي مكون غير اللحمة اختياري حسب شو انتو بتحبو تزيدو او تنقصو بس انا هيك طلعت معي اكتررررررر من رائعة
الكوكسناب
وصفات مشابهة
وصفات ننصحك بمشاهدتها
التعليقات
وين طريقة الخبز