اول شي نسلق المكرونه ثلاث ارباع استوا بس نحط ماء ومكرونه وبعدها نصفيها من الماء ونتركها ع جنب 🌺

أثناء سلق المكرونه نحط الدجاج بماء ونخليه يسلق ع النار بس يبدأ يغلي الماء نقصر عليه على ٣ ونخليه نصف ساعه او ساعه الا ربع..

وبعدها نبدأ نشتغل بخلطة الباشميل الخلطه هي كل كاس ماء نحط معه ملعقتين حليب بودره.. لنفترض بنسوي ٨ كاسات ماء اذن رح نحط ١٦ ملعقه حليب بودره ونخلطهم كلهم مع بعض وناخذ قدر ونحط فيه شوب زيت ووطحين ونخلطهم على نار متوسطه

نبدأ نظيف خليط الحليب والماء شوي شوي.. نظيف شوي بمقدار كاسين ونخلط لين يثقل ثم نظيف بمقدار كاسين ونخلط لين يثقل ووو هكذا لين نخلص كل الكميه

بعدها نحطه بالثلاجه لين يبرد حوالي ساعه وبعدها نظيف عليه جبن سائل حوالي نصف علبه الجبن السائل (العلبه الكبيره) ونظيف ملح ونخلط ونذوق لين نوصل لدرجة الملوحه الي نبيها اذا احتاج ملح زيدي وبعدها نترك الخلطه ع جنب ونشتغل بالدجاج

ناخذ مقلاة نحط شوي زيت وبصل مقطع مربعات ونشوحه لين يذبل ويصير شوي بني بعدها نضيف عليه الدجاج المنتف ونخلطه ونحط بهارات وشوي ملح وكزبره او بقدونس ان توفر وبكذا نكون خلصنا من الدجاج

الحين ناخذ صينية التقديم ونحط طبقه من المكرونه ونحط معها شوي من خلطة الباشميل ونخلطهم ونرصهم ونحط فوقهم خلطة الدجاج وبعدها ناخذ الي بقى من المكرونه ونخلطه بخلطة الباشميل ثم نحطه ع الدجاج ك طبقه اخيره من المكرونه ولو حابه تضيفي رشة موزريلا ع الوجه بعد يمميي.. يكون احلى واحلى

نحطه بالفرن من تحت ونشغل عليه من تحت عشان خلطة الباشميل تتماسك ونخليه نص ساعه او ساعه الاربع وبعدها نحطه بالفرن من فوق ياخذ تحميره وبس بكذا نكون خلصنا وعليكم بستين الف عافيه 💜