في قصعة نحط السميد و نفرغ عليه السمن و الزيت و نحكو جيدا باليد حتى يصبح عجينة طرية جدا

نخليه يرتاح جيدا بينما نوجد الغرس نقيه ثم نعجنو بماء الزهر و ملعقة زبدة حتى يصبح طري نشكلو حرابش و نخليه فالثلاجة

نرجع للعجينة نضيف الملح و كيلة نصف ماء و نصف ماء الزهر و نبل العجين بالتدريج حتى تتلم بدون ما نعجن نلمها فقط

نغطيها بكيس بلاستيكي و نتركها ترتاح من الافضل ثم نحط حربوش من العجين ونحط في وسطو الغرس كما هو موضح في الصور

نلويه جيدا و نوجد الحرابش كامل بنفس الطريقة و نبدا نطبع باستعمال الطابع الخاص بالمقروض

نطبع ثم نقطع الحبات بالسكين ثم نمرر السكين من الاسفل على كل الحبات و نعدلهم جيدا ونحطهم فالبلاطو

ندخلهم للفرن لي كون ساخن من قبل على درجة حرارة مرتفعة ولما يطيب نخليوه يبرد ثم نحيوه من البلاطو

عند التقديم نعسلوه بالعسل مخفف بماء الزهر

عيدكم مبارك و كل عام وأنتم بألف خير