غي جفنة نحط 4 كيلات تع سميد و ملح نخلط من بعد نزيد كيلة تع سمن و نفيضها بالزيت و نبسس دقيق ديالي و نخليه يبات

كي يبات نحلو كامل و نشمخو بالكيلة تع الماء و الماء زهر (كاين وين ما يديش كيلة كاملة على حساب دقيق المهم ما يجيش جاري) و نخليه يرتاح شوية قيس ما نوجدو الحشوة لي تحبوها انا رحيت لوز زدتلو شوية سكر و لميت بالماء زهر حتى جاتني عجينة

نبدأ نشكلو نحكم كمية تع العجينة نديرها حربوش و نوجد حربوش تع الحشوة و نديرو الداخل و نغلق عليه مليح

الحربوش ديالي ندورو حتى يولي مستوي و نقطعو

نكون سخنت المقلة تع الزيت و وجدت العسيلة بشوية تع الماء الزهر تكون سخونة و نبدأ نقلي لازم ما تسخنش بزاف زيت سينو ما يطيبش الداخل و غير يطيب (يستوي) ندخلو فالعسيلة