نضرب زبدة مع سكر مليح ومن بعد نزيد حبة بيض كاملة ونضربها حتى تختفي حبة بيض ومن بعد نزيد صفار بيضة ثانية ونخفق مليح مليح

نزيد عطر كراميل ونمزج مليح ومن بعد نزيد نشاء نسيت ماصورتوش ومن بعد نزيد فرينة وخميرة حلويات ونلم حتى تولي عندي عجينة متماسكة وطرية نغطيها بكيس بلاستيكي ونحطها فلفريجيدار تريح لمدة نص ساعة

من بعد ماتريح نحل عجينة نتاعي ونطبعها

نحطها في صينية ونطيبو حتى يحمر من تحت كيما اي مثل فصورة

نخدم كريمة زبدة نتاعي ومن بعد نديرها في بوش ونحطها على صابلي كيما اي مثل فصورة ولوسط ندير كراميل ونحط فوقها حبة صابلي ثاني ونضغط شوية ولكريمة لي تخرج نعاود نمسحها بصبعي كيما اي مثل فصورة من بعد كي نكمل كامل حبات يرهم فلفريجيدار باش يشد روحو وكريمة تبرد

نذوب شوكولاته بيضاء و شوكولاته سوداء

فوق شوكولاته بيضاء نعمل خطوط بشوكولا سوداء ونجيب حبة صابلي ونمررها على شوكولاته حتى نتحصل على شكل رخامي ونواصل هكا حتى نكمل كمية كامل