بسم الله : في إناء نحط المرغرين السكر الناعم البيض و نخلط مليح حتى نتحصل على خليط كريمي نزيد الفلان و نحرك حتى يذوب السكر تاع لفلان نزيد الزيت مع التحريك الجيد نزيد قطرات معطر الفراولة و النشاء نضيف كيس الخميرة مع الفرينة و نلم حتى نتحصل على عجينة طرية و ماتتلاسقش في اليد نلفها بكيس بلاستيكي و نحطها في الثلاجة ترتاح.

بعد ربع ساعة نجبد العجينة نسبطها بين كيسين بلاستيكيين بسمك متوسط حولي 7 ملم و نطبع انا درت بطابع القلب و نتوما خيروا كيما اي مثل تحبوا نهز الحبات برفق و نستفهم في بلاطوا و ندخلهم الفرن المسخن مسبقا على حرارة 180 درجة و مانخلهمش يطيبوا بزاف كي يحماروا شوية من تحت نحيهم (نبعدهم) نخليهم يبردوا و نلصق كل زوج حبات مع بعضاهم انا استعملت شوكولاته الطلي لاني نحب دوق الفراولة مع شوكولاتة و انتوما ليكم الاختيار سواء بالشوكولاتة ولا كريمة الزبدة ولا معجون الفراولة الى تحبوا.

ندخلهم الثلاجة يحكموا رواحيهم و نجبدهم ، نذوب الشوكولاتة البيضاء على حمام مائي و النار تكون خفيفة باه ماتتكتلش الشوكولاتة كي تذوب تماما نحيها من جهة أخرى نجيب 2 ملاعق كبارزيت نباتي نظيفلوا كمية من الملون الأحمر و نحرك مليح و نبدأ نظيف بالشوية للشوكولاته حتى تأخد لون وردي و يجيوا فيها نقط بالأحمر يبهيوا لقلاصاج و نبدأ نغلف القلوب بالشوكولاتة و نحطهم على ورق الزبدة ولا سياج و نزينهم بحبات حلقومة على شكل توت.