بسم الله : في إناء نحط المرغرين السكر صفار البيض و نخلط مليح نزيد الكاوكاو مبشور الليمون و الفانيلا نخلط و نلم بالفرينة معاها كيس خميرة حتى نتحصل على عجينة طرية و ماتلسقش. نلفها بكيس غدائي و نخليها ترتاح في الثلاجة.

بعدها نشكلها كريات متساوية وزن الواحدة 30 غ و نجيب بياض بيضة و نمرغ بالحبة فالبياض ثم فالكاوكاو و نكون وجدت لي كيسات فبلاطوا نحط لمشوك فلي كيسات و ندير ثقب صغير في كل حبة و ندخلهم يطيبوا على درجة حرارة 180 درجة

كي يطيب (يستوي) و يأخد اللون الذهبي نحط لكل كعبة ملعقة صغيرة معمرة عسل نفرغ فهداك الثقب الى درنا و شوية على الأطراف نخليه ينشف و نزينوا بحبة حلقومة او كرز و نبدلوا لي كيسات باه يكونوا نضاف. وبالصحة والعافية.