في قصعة نحط الزبدة والسكر الارطب نمحرهم مليح حتان (حتى) تولي كريمة نضيف عطر الكراميل والصفار البيض ونخلط كذلك نزيد نظيف النشاء والخميرة والفرينة ونغربلهم قبل منلوحهم في ما بعد نتحصل على عجينة لينة.

في ما بعد نبدأ نحل لعجينة نتاعي على طاولة العمل ونطبع الصابلي ونطيبوا بهذا الشكل.

في ما بعد نحضر الحشو نتاعي ولي هو كريمة الزبدة بذوق الكراميل اذن في إناء نحط الزبدة ولازم تكون بحرارة الغرفة والسكر ارطب وملعقة أكل عطر الكراميل ونخلط بالخلاط الكهربائي حتان (حتى) نتحصلوا على كريمة ، كي يطيب (يستوي) الصابلي الدمعة نبدأ نلصق بالكريمة الزبدة.

في ما بعد نبدأ تزيين صابلي دمعة نتاعي نذوب شوكولاتة البيضاء والسوداء على حمام مائي ونغطس الحبة في شوكولاتة البيضاء ونعمل خطوط بالشكولة السوداء ونسحب بالعود مثل شكل الملفاي في جوانب نمسح بالمعجون او لاصق حلويات ونمرمدوا في كاوكاو مرحي محمص.