بسم الله : في اناء نحط السمن لازم يكون بحرارة الغرفة مش جامد بزاف ومش دايب يكون كي لكريمة ونغربل فوقوا السكر الناعم و نطلع بالباثور حتى تولي كي لكريمة بيضاء ويتضاعف حجمها بعدها نزيد الكاوكاو نخلط شوية ونولي نلم بالفرينة الفرينة تاني ضروري نغربلها العجينة ماتكونش طرية بزاف ومش ناشفة بزاف لأنوا طرية بزاف تهبط وناشفة بزاف تجي يابسة لازم تكون وسط بعدها نغطيها بكيس غدائي نخليها ترتاح شوية.

بعدها بين كيسين غدائيين نسبط العجينة بسمك أكثر شوية من الصابلي انا درت هلال ماعندكش الهالال استعملي طابع دائري و شكلي بيه الهلال هزي الحبة تاع الغريبية برفق باه ماتتكسرش حطيهم كامل فالبلاطوا وجيبي بياض البيض وبواسطة بانسوا أطلي وجه الحبات تاعك وحطيلهم شوية كاوكاو محمص ومطحون

دخلي الغريبية تاعك لفرن يكون مسخن مسبقا على درجة 180 درجة راقبيها لأنوا تطيب بالخف كي تشوفي الأطرف صفاروا نحيها خليها فالبلاطوا ماتنحيهاش حتى تبرد تماما لأنها تتكرس وهي سخونة.

احتفظي بيها فعلبة محكمة الإغلاق باه ماتطراش بزاف. وبالصحة والعافية.