تحضير شيش كباب: صدر الدجاج مرحي، شوي معدنوس، (بصلة، فلفلة حارة نرحيهم مع بعض ونحي منهم العصارة تاعهم وحطيها جانبا تحتاجيها من بعد)، تخلطي الفلفل والبصل مع باقي الدجاج، نضيفو التوابل (ملح، فلفل، فلفل أحمر حار وحلو)، ملعقة كبيرة فرينة

خلطي كلشي وغطيهم، وحطيهم في الثلاجة على الاقل ساعة

كي تكوني راح تطيبيهم وجدي صلصة تاع عصارة البصلة والفلفل لي وجدتيهم من قبل، ضيفيلهم ملعقة صغيرة طماطم مصبرة، 2 ملاعق كبيرة زيت، ملعقة كبيرة خل

أدهني الكباب واشويه، بالاستعانة بأعواد الشواء

تحضير البطاطا: نحكم حبة البطاطا نقسمها الى نصفين ، نفورها نصف طياب، بعدما تطيب نفرغها من البطاطا (مانفرغوهاش كليا من البطاطا نخليو شوي بطاطا من تحت كقاعدة)

في اناء نحطو البطاطا لي نحيناها، نرحيوها، نضيفولها جبن، زيتون، تون، نتحصلوا على خليط، نعاودو نعمرو حبات البطاطا بالخليط، نضيفولها جبن رابي ولا الجبن الخاص بالهمبرغر، وندخلها للفرن تطيب حتى تتحمر