نقشر بطاطا و نقليها ثم نقوم بتقشير بدنجال و تقطيعه الى شرائح و نقليه حتى يدبال و ماتحرقيهش و تقطعي طماطم و ضيفيلو توابل و ثوم و طماطم معلب 2 ملاعق صغار و قرصة سكر و زيت و تقليهم و ضيفيلهم كاس مااء و تطبخيه مليح كي توجد لبطاطا لي قليتيها هرسيها ملييح تقدر تهرسيها ب يديك و ديريلها معدنوس ،،، كيما راه في لي فوطو،،،،،

جيبي راس بصل و قطعيه و خليه يتقلا مع ثوم و ضيفيلو صدر دجاج لمفروم و 2 كيسان ماء و توابل و ملح و غطيهم خليهم يطيبو وحدهم حتى ينشفو من ماء كل و تحسي دجاج طاب ضيفيلهم زيت و خليهم يطيبو و اغلقي ، اغسلي كوسا تاعك و اخرطيها من لداخل احفريها بموس ولا الة حادة و اقلي هديك لكوسة لي حفرتيها في زيت كي تدبال و تدخلي فيها موس و يدخل نحيها خليها تنشف من زيت ، مباعد خلطي بطاطا و دجاج مع بعض و زيديهم 2 ملاعق من طماطم لي قليتيه ،،،،كيما راه في لي فوطو ،،،،،

من باعد جيبي شرائح دنجال لي قليتيهم و احشيه بحشوة كيما تحشي بوراك

مباعد جيبي سينوا و ديري فيها لاصوص طماطم و حطي فيها دنجال لي حشيتيه و ضيفي فوقو لاصوص طماطم تعطيه بنة كي يطيب و دخليه في فرن ولا كوشة

و كي تخرجيهم تكليهم بصحة و هناء