نجيب الجمبري ونشيل الراس بتاعته(ممكن نسيبها حسب الرغبه) ونسيب القشر بتاع الجسم ونيجى نعمل شق صغير من عند الراس من الضهر ونشد الخيط الاسود اللي هوه الامعاء هتلاقيه بيتشد بسهوله متقلقيش وبعدين تنقعيه في ماء وخل لمدة عشر دقائق وبعدين تشطفيه كويس وتسبيه يتصفى

ندق الثومه ومعاها التوابل كلها ونخلى الثومه ناعمه اوي وبعدين نحطها على الجمبري ونعصر الليمونه ونحط زيت الزيتون ونقلب كويس وبعدين نحطها في الصينيه ونسيبها من نص ساعة لساعه

ندخل الصينيه الفرن بالتتبيله زي ما هيه على درجة حراره اعلى من المتوسط شويه ونسيبها هتلاقيها نزلت ماء سيبيه لحد ما يشرب الماء اللي نزلت بس منخلهوش ينشف وبكده يكون استوى تطلعيه وتقدميه مع رشة بقدونس وبالهنا والشفا