اولا نتبل صدور الدجاج بالبهارات وخليها شوي بالثلاجه اذا عندك وقت وعادي لو طبختيها بعد التتبيل على طول

نسوي الصوص (طريقة الصوص علبة قشطه مع ملعقتين جبن كاسات او قشطه مع كريمة طبخ)

(اذا ماعندك جبن او كريمة طبخ.. حطي قشطه مع جبن موزاريلا ورشة ملح وبهارات ايطاليه)

نذوب اشوي زبده على المقلاه ونشوح الدجاج عليه والنار عاليه لحد ماياخذ لون التحمير من الجهتين

بعد مايتحمر الدجاج شيليه على جنب وحطي الفطر في نفس المقلاه يتحمر

بعدها حطي الصوص على الفطر يتسبك اشوي بعدين حطي الدجاج فوقه وغطيه عشر دقائق الى ماينضج الدجاج وياخذ الطعم

طريقة البطاطس

بطاطس مسلوق ومهروس مع جبن كيري وملعقه قشطه

كوريه وحطيه بصينية فرن ورشي فوقه جبن موزاريلا وبهارات ايطاليه بس يتحمر من فوق شيليه