هنجيب الرز البسمتى نغسله ونصفيه كويس ونجيب الحله نحط فيها الزبده والزيت وننزل بالرز ونقلب لحد ما ياخذ لون ذهبي غامق شويه.(الخطوه دى عقبال ما يتحمر بتأخذ وقت شويه معلش بس النتيجه رائعه بجد تفضلي تقلبي مستمر عشان يبقى لون واحد وميتحرقش)

اول ما يبقى لونه تمام هنرفعه من على النار ونحط ملعقة الصلصة والتوابل بتاعتنا كلها ما عدا الملح ونقلب ونرجعه على النار نسقيه بماء ساخن لكل كوب رز كوبين ماء
نحط ملحنا حسب الرغبه ونغطيه على نار عاليه يذوب الماء تختفي من على الوجه نخفف عليه خالص ونسيبه يستوي

هنجيب اللوز ونحط عليه ماء مغلي ونسيبه ١٠ دقائق نصفيه ونقشره هنلاقي القشره بتتشال بسهوله جدااا بعد ما نقشره نجيب سكينه ونقسمه بالطول اتنين هوه اصلا بيبقي في خط مقسم اللوزه اتنين نمشي عليه
بعد ما نخلص الكميه نحط شوية زيت صغيرين في طاسه ونحمر اللوز نقلب باستمرار عشان ميتلسعش نفضل نقلب لحد ما لونه يبقى ذهبي نشيله لان السخونيه هتغمقه زياده

نحط في نفس الزيت كوب زبيب ونقلب بسرعه هنلاقيه بيتنفخ اول ما يتنفخ نشيله مننساش نصفيه من الزيت واحنا بنشيله هنأخذ شوية الزيت اللي حمرنا فيهم المكسرات ونرشهم على الرز بعد ما استوى ونقلبه ونحط الرز بعد ما استوى ونرش عليه عليه المكسرات وبالهنا والشفاااااااااااا