جيبي 5 حبات بيض تفصلي بياض على صفار وتخلطي بالبتور بياض مع 3 ملاعق سكر كلاصي وقشور ليمون وخل وتزيدي تضربي صفار بلبتور مع زيت وحليب و3 ملاعق سكر كلاصي وخل وزيت وتحطي فرينة بتدرييج ماتنشفيهش خليه جاري شوي

عاود خلطي خليط تع فرينة و صفار بيض مع بياض لي طلعتيه بالبتور وخلطيهم مع بعض مليح وحطيهم في سينوة مدهونة بزبدة ودخليهم فرن على نار قليلة

كريم شانتيه و حليب غبرة و فلان فريز و سكر كلاصي واضربي بالباتور هادي حشوة

كريم شانتيه وفلان فانيلا وسكر كلاصي واضربي بلباتور حتى تطلع هادي لي باه تغلفي بيها

وكي طيب اقسميها من وسط على زوج وديريلها حشوة تاعك وحطي فوقها طبقة لوخرى وغلفيها بالكريمة وزينيها على دوقك