في مقلاة نوضع الزيت البصل والدجاج والجزر مع الملح ونقليهم مع بعض من بعدها نضيف الكورجات (الكوسة) والتوابل لي ذكرتها ونقليهم جيداً مع بعض ونخلي الدجاج والخضر يطيبو كل مرة نقلبهم باش يلسقليش في المقلاة وادا حسيتهم لسقو ضيفو حوالي ملعقة أو اثنين من الماء وغير يذبالو الخضر ويطيب الدجاج طفو عليه ومايديش وقت فالطياب

فسنيوة لي تدخل الفرن نوضع البطاطا المقلية كطبقة اولى ثم نوضع الحشو لي حضرناه ونزيد طبقة من الجبن و ندير البطاطا من فوق كطبقة اخيرة

والان نحضر الكريمة في إناء نفرغ علبة الكريمة السائلة ونضيفلها البيضتين وملح وفلفل اسود ونخلطهم جيداً من بعدها نفرغها فوق لقراتان وبالشوكة نعمل فرغات فوجه لقراتان باش الكريمة تنزل لتحت باش لقراتان مايجيش ناشف ندخلها الفرن يكون مسخن باش تنشف ويطيب البيض

هادا هو الشكل النهائي تاع لقرتان يجي بزاااف بنين ننصحكم جربوه وبصحتكم

ومرحبا بكم في قناتي على اليوتيوب باسم حلويات اقتصادية مع صبرينة