معكرونة بشاميل بالسجق
لو كلتوها بالسجق مش هتعملوها بمفروم تاني 😋😋
إفتح في تطبيق كوكبادالخطوات
- 1
في طاسة نحط البصل والفلفل يتشوح لحد ما يذبل وبعدين نحط السجق يتشوح معاه وعليه الملح والتوابل ثم نضيف عصير الطماطم والصلصلة ونسيبهم لحد مايتسبكو ويستوي
- 2
في نفس الوقت نكون حاطين المعكرونة بتاعتنا على النار لحد ماتستوي ونرفعها من النار ونصفيها من ميتها
- 3
نجهز البشاميل في حلة نحط السمنة تسيح ونضيف عليها الدقيق ونقلب لحد ماياخدو لون ذهبي بسيط ونضيف اللبن عليهم بشرط يكون ساقع عشان ميعملش كلاكيع ونقلب لحد ماياخد قوام خفيف ونرفعه م على نار
- 4
هنضيف نص خليط البشاميل على المعكرونة ونقلبها وفي صينية مدهونة سمنة هنحط نصف خليط المعكرونة ونحط في النص السجق بتاعنا ثم نضيف باقي المعكرونة ونغطيها بالبشاميل انا حطيت على الوجه جبنة رومي وموتزاريلا
- 5
في الفرن شغال فوق وتحت نحطها لحد ما الجبنة تسيح وتأخذ لون ونخرجها وبالف هنا جربوها مش هتندمو 😋😋
كلمات ذات صلة
وصفات مشابهة
وصفات ننصحك بمشاهدتها
التعليقات