نخلط البيض مع السكر ورشة ملح بالضراب الكهربائي جيدا بعدها نضيف خليط الفرينة و الفانيلا و الخميرة مغربلين على 3 دفعات ونخلط بالسباتيل من اسفل الى اعلى حتى اتحصل على خليط متجانس نفرغها في مول قطره 18سم مدهون بالزبدة و مغلف بورق الطهي وعلى الفرن مسخن مسبقا، ملاحظة عملت كيكتين

نوجد السيرو نخلط الماء والسكر و نخليه يغلي مدة 10د ثم نطفي عليه و نضيف قهوة سريعة الذوبان و نخليه يبرد، نحضر قاناش الحشو نسخن الكريمة السائلة و نفرغها على الشوكولا بعد ما قطعتها حتى تذوب بسهولة ونخلطها جيدا بعدما تتمازج نهليها تبرد جيدا بعد ذلك نطلعها بالباتور و نضيف الزبدة تدريجيا مع الخفق حتى نحصل على كريمة، ونطلع الشونتيي، نقطع كل كيكة على 3 طبقات نحط طبقة الاولى ونشربها بالسيرو و ندير في الجوانب شانتيي و نحشيها بالقاناش و نرشها بجوز مكسر

نحط طبقة ثانية ونشربها و نحشيها بالقاناش و الشنتيي ونزيد حلقات من الموز و هكذا حتى نكمل كل الطبقات نغلفها بالشنتيي و نليسيها ونزين السطح بقاناش الشوكولا الابيض

نلون الشنتيي اللي بقات بلاغوم فراولة فهو ملون في نفس الوقت منكه ونعمل وردات في محيط سطح الكيكة نحط حبة رافايالو في المركز و نزين بالورق الذهبي و نحطها في الثلاجة حتى تتماسك الى حين التقديم