نلم السميد بالماء الدافئ و نديرولو الملح حسب الرغبة و نعجنو(ندلكو) العجينة مليح حتى تصبح طرية و من نسقيها بقليل من الماء الدافئ و ندلك كل ما تشرب الماء نضيف حتى تصبح عجينة رخوة و من بعد نجيبو زيت و نلوزوها (نقطهوها دوائر) و نغطوها ونخلوها ترتاح من نصف ساعة الى ساعة و من بعد نفتح العجينة و نديرلها زيت و نطبقها و نطيبها على طاجين تيفال و نديرولها العسل او المعجون و بالصحة والعافية