في إناء نوضع صدر الدجاج المفروم ونضيف عليه التوابل لي ذكرتها +لاشابور+ملعقة كبيرة زيت+المعدنوس (بقدونس)+الثوم ونزيد نضيف القليل من النصف البصلة المفرومة كمية لي بقات راح نستعملها لحم المفروم +الملح ونعجن المكونات جيداً حتى تدخل فالدجاج وراح نعمل نفس المكونات فاللحم المفروم ونعجن حتى تدخل كل المكونات فاللحم المفروك

من بعدها نجيب لبلاستيك الغدائي ونحل صدر الدجاج سمك خشين ولا رقيق يبقى اختياري ونزيد نحل اللحم المفروم في بلاستيك غدائي اخر من بعدها نوضع اللحم المفروم فوق الدجاج المفروم ونوضع الحبن في طرف اللحم

من بعدها نرولي اللحم ونضغط قليلا حتى نتحصل على حربوش ونغلق لبلاستيك الغذائي من الجوانب ونعمل فيه ثقوب بلا من نقب اللحم ونغلفو فالسيلوفان ونزيد نعمل فيه ثقوب

من بعدها نوضعو في كسكاس ونوضعو فوق القدر تاعو بعد ما كنت غمرتها بالماء وخليتها تسخن نخليه حتى يطيب (يستوي) من بعد ما يطيب (يستوي) نحيه من الكسكاس ونحلو البلاستيك الغدائي ونقليه في زيت حتى يدلي لون ذهبي من جميع الجوانب

من بعد ما نتحصل على صلصة الطماطم نوضع الرولي تاع الدجاج و اللحم المفروم فالصلصة ونقلبو من كل الجوانب حتى يتغطى الصلصة

من بعدها بقطعوه دوائر نقدمون مع البطاطا المقلية والصلصة الطماطم وبصحة والهنا

مرحبا بكم في قناتي على اليوتيوب باسم حلويات اقتصادية مع صبرينة