ટોરટીઆ બનાવવા માટે એક વાસણમાં મેંદો, મકાઈનો લોટ, મીઠું અને તેલ ભેગું કરી બરાબર મિક્ષ કરી લેવું. હવે એમાં ગરમ પાણી ઉમેરીને તેનો ઢીલો લોટ બાંધવો. આ લોટને બરાબર મસળવો. આ લોટને ઢાંકીને એક કલાક સુધી રહેવા દેવો.

આ રોટલીને એક મોટા તવા પર બંને બાજુથી હલકા ગુલાબી રંગની કાચી પાકી શેકી લેવી. આ રીતે બધા ટોરટીઆ તૈયાર કરીને એક કિચન ટોવેલમાં લપેટીને મૂકી રાખવા જેથી એ એકદમ સોફ્ટ રહેશે.

રીફરાઈડ બીન્સ બનાવવા માટે આઠથી દસ કલાક પલાળી રાખેલા રાજમાને બાફી લેવા.

હવે એક વાસણમાં તેલ અને બટર ગરમ કરી તેમાં લસણ ની પેસ્ટ ઉમેરવી. હવે એમાં ઝીણા સમારેલા કાંદા ઉમેરવા. બે મીનીટ થાય એટલે એમાં મરચું, જીરું, મરી, મિક્સ હર્બ અને મીઠું ઉમેરી હલાવી લેવું.

હવે તેમાં ટોમેટો સોસ ઉમેરીને બરાબર મિક્ષ કરી લેવું. ધીમા તાપે 10 મીનીટ સુધી ચડવા દેવું. રીફરાઈડ બીન્સ તૈયાર છે.

બિન બરિટો બનાવવા માટે સાલસા અને સાવર ક્રીમ ની જરૂર પડે છે. આ વસ્તુઓ બજારમાંથી ખરીદી શકાય અથવા તો ઘરે પણ બનાવી શકાય.

કાંદા, કોબી અને કેપ્સીકમ નું સલાડ બનાવી લેવું. ચીઝ છીણી ને તૈયાર કરી લેવું.