كانعجنو العجينة ديالنا نخليوها تختمر مزيان عاد نقطعوها كويرات اونزيدو نخليوها ترتاح من بعد نطلقوها بالمدلك او شوية دقيق اونطيبوها فالمقلة مانطيبوهاش مزيان تشد.راسها نوجدو منديل مع يپلاستيكا الى طيبناها نغطيوها

الحشو تنشحرو البصلة مع شوية زيت الملح البزار او دجاج بنفس الطريقة او الكفتة تاهي نفس التوابل نشحرو كولشي نقليو الفريت

لاصوص تانديرو فكاسرونة ملعقة زبدة ملعقة دقيق نحركوهوم مزيان نزيدو الحليب الملح البزار نحركو تايعقاد الخليط نطفيو عليه

ملي نوجدو كولشي نخلطو جميع العناصر الكفتة دجاج البصلة مع صوص بيشاميل نردوهوم فوق النار تايعقاد مزيان نخليوه ابرد عاد نمونطيو الكاكوس ديالنا تنحطو الخبز ندهنوه بشوية الكاتشب مع المايونيز مخلطين تانحطو الخليط ديال دجاج او البصلة اوالكفتة نحطو عليها الفريت فرماج (جبنة) ديال الساندويتش اونسدوها او نديروها في الالة ديال الطاكوس نستامرو على هاد طريقة تانساليو اوبصحة وراحة