بغسل المشمش وبجففو وبفتحو بشيل البزرة منو وبعدين بقطعو قطع صغيرة الحجم لمتوسطة تقريبا

بصير باخذ من المشمش بصحن كبير مثلا مهم يكون للعيار.. يعني باخذ فيه عيارين مشمش وبحط فوقهن بنفس الصحن عيار واحد سكر وهيك لتخلص كمية المشمش..يعني النسبة ٢ مشمش ل١ سكر بالمعيار

بتركهن بالبراد ليلة كاملة مغطايين تاني يوم باخذهم وبحركهم منيح وبتكون كل المي يلي جوا المشمش طلعت لبراتو بحط عالنار وبس يبدأ يغلي بشيل عنو الغثوة يلي بتطلع عالوش وبعدين بضيف رشة زغيرة ملح الليمون وبتركو قريب الساعة على نار هادية وبس لاقي حبات المشمش ايتوت وطريت بطفي عليه

بسكبو بشي واسع وبحطو تحت الشمس شي ٥ساعات وبعدين بعبيه بمرطبانات وكمان بحطها بالشمس شي ساعة لحتى تتسكل طبقة عازلة عوجه المشمش بتخليها تحفظو فترة من الزمن وبسكر عليه وصحة وهنا