في وعاء نحط الحليب الدافئ و نضيفلو الخميرة و السكر و الزيت نخلطهم بالملعقة فقط و نضيف الفرينة و الملح حتى يصبح خليط طري اذا شفتي العجينة يابسة زيدي شوية حليب و العكس ادا جارية زيديلها فرينة كل وحدة على حسب الفرينة تاعها و نخليها تخمر حوالي نصف ساعة

ما بين ما تخمر نروح نوجد صلصة الطماطم. نجيب 3 حبات متوسطة يعني حسب الرغبة و نقشرهم و نقطعهم نضيفلهم حوالي ملعقة و نصف زيت الملح و الفلفل الاسود و تخليها حتى تغلي نرحي الخليط بالميكسور و نحطلها ورقة رند و شوية زيت زيتون و ثوم و نخليها حوالي 5 دقائق و نطفي عليها و تكون جاهزة

و بعد ما تخمر العجينة نفتحها خشينة شوية و نشكل دوائر و نضغط عليهم فالوسط لكي نحصل على جوانب بارزة و هذوك الجوانب نديرلهم شوية صفار بيض و السانوج و الجلجلان هذ الخطوة اختيارية حبيبتي 🤗 سمحولي ملقيتش التصاور اخواتي كنت صورة بالخطوة لكن الله غالب🥺🙈 المهم نكملو اخواتي و من بعد تجيبي صلصة الطماطم و ديري فوق العجينة و تزينيها بالفلفل و الزيتون الأخضر ولا اي زيتون عندك و جبن طري انا درت و قطعتو مربعات و تونة و كل وحدة حسب وش عندها و حسب ذوقها و بالصحة 🤗