نطحن البسكوت بالخلاط و مندوب الزبدة ومنضيفا على البسكوت و منحرك منيح ومنظيف الخليط عالقالب الكلبشة و منسبت البسكوت منيح مشان يصير عنا طبقة ماسكة متل طبقة البسكوت بالتشيز كيك

منخفق البيض والسكر ليتضاعف حجمو ،منضيف عليه السوائل يلي هنن الحليب والزيت ،ومنخفق شوي و مننخل المواد الجافة ومنضيفا للبيض ومنحرك شوي بس لينخلط الطحين مع البيض ،منشغل الفرن عدرجة حرارة ١٨٠ من تحت وفوق ،منحط خليط الكيك فوق الطبقة البسكوت ،و منحطا بالفرن مدة ٣٠ دقيقة

منحضر الكريمة ،منحط الخليب والسكر و الطحين ونشا بالطنجرة ومنحركون بعدين منحطون على النار مع استمرار التحريك مشان ما تحترق او يفرط الحليب ،،،،و خلو النار نايصة ،بس يغلي منطفي عليه بعدين منضيف الزبدة والفانيليا والكريم شانتيه ومنحرك لحتى يصير عندي قوام كريمي ومنتركو ليبرود ومنضيفو فوق الكيك يلي برد.

منحضر الغناش منحط المريمة على النار مع تحريك وبس تسخن منشيلا عن النار و منضيف عليها الشوكولاتة ومنحرك وبس تبرود شوي منحطا فوق الكريمة

صار عنا كيكة باربع طبقات ،منخليا ليلة كاملة بالبراد اوساعتين بالفريزة اذا مافي وقت لان اذا ما ريحتوا بالبراد بس تفكو القالب و تشيلو بيفروط الكيك

مشان الزينة حسب الرغبة فريز ،او تتركوا سادا