نبدأ بقلي البصل نقطع بصلتين شرايح سميكة ونرش عليها ملعقتين دقيق

نقليها في زيت كثير نخليه يسخن ونحط البصل ونقليه لين يصير بني مو اشقر

نقطع بصلتين تقطيع صغير وناخذ ملعقتين من زيت قلي البصل ونضيف عليه البهارات الصحيحة قبل البصل نخليه يأخذ حرارة ونضيف البصل

ندق الثوم والزنجبيل ونضيفة للبصل

نضيف ملعقتين صلصة وست ملاعق زبادي والبهارات المطحونة بس لا تكثرون من كل نوع شويية ونحط شوية موية ونغطيه ليت يستوي الدجاج ممكن تحطون الزبادي والصلصة والبهارات والماء في الخلاط ثم تضاف للدجاج ربع ساعة تكفي

نحط مويا في قدر وملح وملعقة من زيت قلي البصل ونخليه يغلي ثم نضيف الرز المنقوع ونترك شوي بس تتشقق الحبة نصفيه من الماء ونخليه ع جنب

بعد ربع ساعة تكون كشنة الدجاج جاهزة نجيب قدر كبير ونحط ثلث الرز ثم نصف الكشنة والدجاج وبصل مقلي ولو فيه كزبرة خضراء حطي بين الطبقات

نجيب زعفران او لون براس السكين ونحطه مع مويا ونحطه ع البرياني

نقفل القدر ونحط عليه ثقل ونخليه ربع ساعة ع نار هادية بعد مرور الربع ساعة ندخل الملعقة اذا بدأ يلصق يكون خلاص نطفيه ثم نجيب قشرة بصل ونحط عليها ملعقة زيت ونحط فحمة ع الزيت ونقفل القدر عشان البرياني ياخذ نكهة التدخين

نطلع قشرة البصل ونقلب البرياني ونحطه بصحن التقديم ويزين بالبصل المقلي وبالعافية🌸