تليتلي مرقه بيضاء
وصفه ساهله ماهله تحضر في ساعه زمن يعتبر من الوصفات اللي تليق بالعائله الكبيرة واللمات والوصفه الاصليه ما فيهاش القرعه فقط اللفت والجزر لكن بمأنو زوجي يحب القرعه ادا ظفتو.. والله غير يجي مزربع حبه حبه بنين وخفيف نبدلو على الرشته والطعام والتريدة او بالصحه والراحه
تليتلي مرقه بيضاء
وصفه ساهله ماهله تحضر في ساعه زمن يعتبر من الوصفات اللي تليق بالعائله الكبيرة واللمات والوصفه الاصليه ما فيهاش القرعه فقط اللفت والجزر لكن بمأنو زوجي يحب القرعه ادا ظفتو.. والله غير يجي مزربع حبه حبه بنين وخفيف نبدلو على الرشته والطعام والتريدة او بالصحه والراحه
إفتح في تطبيق كوكبادالخطوات
- 1
نفرغ كيس تاع تلي تلي في قصعه ونملو ملعقتين زيت ونصف م ص ملح ورشه قرفه نخلط مليح ونحطو فالكسكاس ونحطو يفور ولما يفور نفرغو فالقصعه ونظيفلو حوالي كأس ماء نخليه يتشربو من بعد نعاود نفورو ونزيد نعاود هاد العمليه مره اخرى ونخليه بجيه
- 2
في طنجرة الضغط نحط حبه بصله مرحيه مع حبه لفت كذلك مرحيه تزيدها فالطعم وتختر المرق نتاعنا نزيد الحمص واطراف الدجاج انا عملت فقط نصف صدر دجاج والتوابل ملح فلفل اسود عود قرفه رقيق ورشه قرفه مرحيه و زنجبيل وثلاث ملاعق كبار زيت نخلي الكل يتقلى مليح من بعد نزيد نقشر الخضار نحط فالبدايه الجزر من بعد عشرين دقيقه نحط القرعه واللفت ونخلي الكل يطهى مليح.
- 3
- 4
لما يطيب الخصار والدجاج والحمص نقص من المرق ونحطو في طنجره اخرى ونضيفلو التلي تلي اللي كنا فورناه نحرك مليح ونغطيه ونخليه يتشرب المرق واحيانا نظيفلو رشه قرفه او ادا كان مخصوص ملح يعني نعدلو الذوق حسب ما نحبو وتحب عائلاتكم ونعسو باه ما يلصقش في قاع الطنجره
- 5
- 6
من بعد ندريسيوه فالاطباق سواء في طبق جماعي او فردي نحطو اولا التلي تلي من بعد نوزعو عليه الخضار والحمص وطرف الدجاج ونزينوه بالبيض المغلي.. او بالصحه والراحه خيا
- 7
انا في دارنا نقدموه مع سلطه خس وطماطم وحبات الزيتون..اما زوجي فيحبو مع كأس اللبن والمثل يقول كول واش تحب والبس واش يعجب الناس.. ولا واني ما نعملش بهاد المثل بصح كل واحد او الذوق نتاعو والمهم احترام اذواق الآخرين
Keywords
وصفات مشابهة
وصفات ننصحك بمشاهدتها
التعليقات (10)