الاول هتحضري بوله وتضيفي فيها الحليب والسكر والخميره وتقلبيهم وتسبيها تخمر شويه ودا بيكون اختبار الخميره للتأكد منها

بعد ماخمرت ابدائى ضيفي باقي المكونات ماعدا المكونات الجافه واخلطيهم الاول بالمضرب اليدوي وبعد كده ضيفي المواد الجافه واعجني لحد ماتحصلي علي عجينه طريه ومش بتلزق في الأيد وبعدين ادهني البوله زيت وضيفي فيها العجينه وادهني وش العجينه بالزيت وسبيها تخمر

بعد ماخمرت اقسمي العجينه لجزئين وابدأئ اشتغلي في اول جزء رشي دقيق وافرديها بالنشابه وهاتي قطاعه او كوبايه وقطعي العجينه لدوائر والعجين الزياده اعجنيه تاني وسبيه يخمر وتبدي تاخدي كل قطعه وتحشيها بالجبنه وتقفلي عليها وترصيها في صنيه مدهونه زيت وسبيها تخمر لتاني مره وتدهنيها بخليط الوجه ورشي عليها سمسم او حبه البركه وبعدين تدخل الفرن لحد ماتستوي وتاخد لون دهبي جميل واول ماتخرج غطيها عشان تكون طريه يارب الوصفه تكون عجبتكم وتحت امركم ف اي سؤال💜🌷