#الشيف_الذهبي
عارفين الحاجات اللي لما بتكون موجودة في البيت بتحسوا كدا بسعادة غير مبررة زي الأطفال وتبقوا منشكحين كدا وياسلام بقى وانتى داخل على بابا وماما وانت بتزورهم اخر الأسبوع بطبق من الحاجة دى وانت حاسس انك نافش ريشك وجايب الديب من ديله ماتفهمش ليه,انا بالنسبالى القرص والقراقيش كدا .وتلاقينى شغاله معاها طول اليوم ,شاي باللبن الصبح ومعاها جبنة,طب وقت الظهر مع الشاي حط عسل مفيش مشكله,طب النسكافيه بعد الظهر ,انتو بتعجزونى يعنى هات بس كدا عليها لحسة نوتيللا زي ما بقولك كدا مانا هاكلها هاكلها والعشاء مع زبادي لايت عشان الدايت بقى ,كدا الغدا بس اللي نفد منى.بحبها يا عم الحج وبحب ريحتها لما تملى البيت وتفكرنى بجدتى وكانت تعمل كمية كبيرة بالذات مع الكحك والبسكوت في عيد الفطر عشان نفطر بيهم في العيد مع جبنة وعسل أسود.كفاية كلام عشان جعت.ياللا بينا نبدأ باسم الله