نجيب دبابيس الفراخ أما نقطعها أما نخلى الراجل يقطعها احسن عشان تطلع مظبوطه واغسلها كويس جداً بالماء والدقيق واعصر عليها ليمونه عشان الزفارة

واجيب الحله فيها ماء وورق اللورى والحبهان وجوزه الطيبة والفلفل الأسود مع البصل والطماطم ولما تغلى هحط الدبابيس وقبل ما تدخل على سوا احط الملح ومخلهاش تبقى سواها يخليها مهريه عشان متبوظش مننا في التتبيله

ولما خلاص استوت اطلعها تبرد اكون جبت كيس الفيجتار فضيته مع الفجيتار السايب واخلطهم مع بعض واحطلها رشه من القرفه والزنجبيل بحبهم وبيدوا ريحه وطعم

واجيب بوله احط فيها البيض وعليها فلفل اسود وشعرت ملح اجيب الدبابيس بقى فيها واحده واحده وبعدين احطها بالفجيتار كويس واغطيها بالخلطه لحد ما اخلص كل الدبابيس واحطها بكيس واقفلها كويس واسيبيها بالثلاجه كذا ساعة انا عملتها قبلها من باليل عشان الخلطه تبقى حلوة وفي الوقت ده عملت الأرز جبت سمنه وحطتيها بالحله وعليها بهارات الكاري والفول السوداني وقلبتهم في بعض دقائق وكنت غسله الارز وحطيته عليها وقلبتهم كويس بتاع خمس دقائق وحطيت شوربه بدل الماء عليه ولو احتاج ملح حطيله محتاجش خلاص ولما يتشرب اخف عليه

وانقله لعين هاديه واقلبه بعد عشر دقائق وعلى بال بقى ما يستوي اجيب حاجه غويطه زي حله مثلا عشان اعرف احط الزيت فيها والدبابيس تتعمل في السوا كويس

فيه طبعاً بقيت الفجيتار اجيب بقى الدبابيس من الثلاجه واحطها بالفجيتار تأخذ طبقه كمان تقرمشه والزيت سخن عندي احطه الدبابيس لحد ما تأخذ لون ذهبي كلها واطلعها

ويكون الارز استوه واطلعهم واقدمهم وبألف هنا

ملحوظه لو مافيش اطفال ممكن تجيبى خلطه فجيتار حار أو تحطى شويه شطه والفجيتار السايب بيبقى اسمه عند العطار بقسماط حار أو عادي لو العطار معرفش أو مش واخد باله من المسمى والفجيتار الاتنين مع البيضه أو بيضتين وبهارات كاري وفول سوداني بتاع 30 جنيه كلهم والأكل كله متوفر بالبيت العادي بتاعنا