نغسل اللحمة جيداً وتتصفى من ميتها عشان بواقى الدم ثم نجيب وعاء بيه ماء يكفى لكميه اللحمة ونضيف طماطم والبصله والحبهان والفلفل الاسود وجوزة الطيبه وورق اللورى

واحطها بعد الماء لما تغلى واحطلها الملح قبل ما تدخل على سوا عشان تكمل سواها بوعاء ثاني واكون مقطعة حلقات البصل والطماطم والفلفل كل نوع لوحده

هطلعها تبرد واجيب وعاء احط فيه سمنه لو فيها سمين مش هحط كتير وأحط توابل اللحمة مع رشه من القرفه والزنجبيل والفلفل الاسود واجيب البصل الاول احطه وأحط اللحمة عليه واقلبهم ببعض بتاع عشر دقائق تأخذ طعم التوابل وأحط الفلفل عليها واقلبهم ثواني واحطلها شويه شوربه تغطيها تغلى عشر دقائق كمان

وبعدين احط الطماطم واسيبيها على نار هاديه وقلبها من الوقت للتانى لحد ما تنضج بالسوا بتاعها والبصل والطماطم والفلفل يكونه استوه معاهم وتقدم مع الاكل بألف هنا

فيه ناس بتعملها من غير سوا اللحمة بس بحب أسويها عشان استفاد من الشوربه بنوع طبيخ لاننا أسرة والاتنين طعمهم حلو برضه