هنعجن كل المكونات مع بعض لمدة ١٠ دقائق
هنغطيها ونسيبها تختمر في حرارة المطبخ لحد ما حجمها يتضاعف بعد كدا هنقسمها كور كل كوره تقريبا من ٢٠٠ ل ٢٥٠ جرام ممكن تعمل ٧ وحدات هنرص الكور في صينيه ونغطيها كويس وندخلها الثلاجه ليله كامله ودا اسمه (التخمير البطئ) او ممكن تقعد في الثلاجه يومين ثلاثة هتبقي حلوه

هنطلعها من الثلاجه قبل ما نشتغل بيها بساعه او اكتر المهم لازم توصل لدرجة حرارة المكان هنفردها على دقيق سمكها بيكون رفيع هنفرد من جوا لبرا هنحط عليها الصلصة بيضا او حمرا زي ما تحبوا وبعدين الحشو اللي تحبوه انا دهنتها صلصة وحطيت جبن موتزاريلا وشيدر وبيبروني 😋 في الوقت دا هنكون مسخنين الفرن على درجة حراره عاليه هنحط البيتزا في صينيه الومنيوم مدهونه زيت ورشة دقيق عادي او سميد وندخلها الفرن من تحت بتأخذ من ٦ ل ٧ دقائق وممكن اقل على حسب حرارة الفرن وكدا تبقي جاهزه 🍕🍕