في عجانه نحط الحليب والسكر والخميرة نظيف بياض بيضه والزيت ونخلط ونبدأ نحط الفرينه ما نكثروش تجي ملتصقه فاليدين من بعد ندهنوها بزيت زيتون ونخلوها تختمر

من جهة اخرى نكونو حضرنا الصلصه عادي نسكرفجو طماطم نظيفولها فصين ثوم مسكرفجين ونزيد ملح فلفل اسود وملعقتين زيت والفلفل الاحمر والطماطم المصبره ونحطها على النار نظيفلها الزعيتره الرند يعطولها مذاق رائع ونخليها تتجمر على خاطرها وانقدرو نرحيوها بالبرا مكسور ضربه الى ضربتين فقط حتى ما توليش ماويه من بعد ما توليش صلصة بيدزا..هههه وانا كإضافه لما بردت ضفتلها تونه

نحلو العجين بسمك رقيق في طاوله العمل مرشوشه بالفرينه ونفرشو الصلصه من بعد الجبن والزيتون هنا اختياري واش نحبو نحطو ونروليوها ونقطعوها

من بعد نحطوها فالصينيات مفروشه بالورق الطهي حتى نتفادى انها تلتصق وندخلها الفرن ما ندهنوها ما والو

او بالصحه والراحه...امممم تشهي٠

نقدرو نوجدوها فالليل والغد نديوها للبحر والله صدقوني تبقى على حالها بسرط توضعيها في علبه بلاستيكيه وتحتافظي بيها فالثلاجه والغد تديها فالعلبه كذلك مع قارورات الماء المجدة جربوها ورجعولي خياني ما تندموش