في المضرب الكهربائي نضرب البيض و الفانيليا والخل عشر دقايق ولحد ما نلاقي قوامه بقي كريمي وزاد الضعف

هنضيف عليه السكر ونكمل ضرب لحد ما السكر يدوب خالص

هننزل بكوباية الزبادي ونضرب كويس وبعدين نضيف الزيت

ونضرب كويس لحد مايمتزجوا كويس

لو مش موجود مضرب هنضرب البيض والسكر والزيت و الزبادي و الفانيليا والخل في الخلاط

هنكون مجهزين الدقيق وعليه البيكنج بودر وهننزل بهم بالتدريج علي الخليط إللي عملناه ونقلب كويس في اتجاه واحد بس مش في المضرب ولا بالخلاط ممكن بمضرب يدوي أو معلقة وفية ناس بتحب بإيديها

هنقلب لحد ما نلاقي قوامه بقي مظبوط ولو كانت تقيله هنضيف ربع كوب لبن بالتدريج لحد ما يبقي قوامها كريمي مش تقيل ولا خفيف

هنصب الخليط في صينية مقاس 24 هنكون دهنينها زيت وطبقة دقيق بسيط

هنكون مسخنين الفرن من أول ما بدأنا في البيض علي 180 درجة

هندخل الكيكة في النص علي 180درجة ونتابعها من بره من غير ما نفتح عليها لحد ما يعدي من 20:30دقيقة منفتحش خالص قبل كده علشان متهبطش

وبعد كده نختبرها بخله سنان أو بالسكينة لما تطلع نظيفة خالص تبقي استوت