البوظة العربية
#كوكباد
البوظة العربية من اطيب المثلجات اللي ممكن تتذوقها وهى اختراع انطلق من سوريا بالأخص دمشق,اول مرة أكلت البوظة العربي كنت في رحلة مع الجامعة لمدة أسبوع لسوريا ,واحنا بنتمشى في سوق الحميدية في دمشق بعد ما زرنا مسجد صلاح الدين الأيوبي المجاور لسوق الحميدية ,لفت نظرى البوظة العربي ,مبقتش فاهمة دا ايس كريم ولا إيه ,حاجة باردة بيقطعها زي السويسرول ويديك الحتة بتاعتك في ورق ,ولما جربتها وقعت في حبها حرفيا سواء النكهة او المذاق وفضلت الاسبوع كله رايحة جايه على البوظة ,اعتقد ماما هتعرف دلوقت رجعت ليه من غير ولا مليم او ولا ليرا بقى .بس يا ترى ايه اصل البوظة ,يقال ان شاب سوري اسمه محمد حمدى بكداش كان بيشتغل في بيع عصير الليمون البارد في محل والده ودا كمان من الذ الحاجات اللي شربتها في سوريا ,كدا واضح انى كنت مقضياها أكل,الشاب دا جرب يخلط الحليب مع نبات بيظهر على الجبال السوريه وهو نبات السحلب ويبردهم مع بعض في الفريزر فعجبته النتيجة ومن هنا بدءت البوظه العربيه واصبح محل بكداش في سوق الحميدية بدمشق هو اول واقدم واشهر محل للبوظه العربية الى وقتنا هذا .الحقيقة طعمها عربي اوي ,يعنى ايه عربي اوي؟يعنى حلو اوي.ياللا بينا نبدأ باسم الله
البوظة العربية
#كوكباد
البوظة العربية من اطيب المثلجات اللي ممكن تتذوقها وهى اختراع انطلق من سوريا بالأخص دمشق,اول مرة أكلت البوظة العربي كنت في رحلة مع الجامعة لمدة أسبوع لسوريا ,واحنا بنتمشى في سوق الحميدية في دمشق بعد ما زرنا مسجد صلاح الدين الأيوبي المجاور لسوق الحميدية ,لفت نظرى البوظة العربي ,مبقتش فاهمة دا ايس كريم ولا إيه ,حاجة باردة بيقطعها زي السويسرول ويديك الحتة بتاعتك في ورق ,ولما جربتها وقعت في حبها حرفيا سواء النكهة او المذاق وفضلت الاسبوع كله رايحة جايه على البوظة ,اعتقد ماما هتعرف دلوقت رجعت ليه من غير ولا مليم او ولا ليرا بقى .بس يا ترى ايه اصل البوظة ,يقال ان شاب سوري اسمه محمد حمدى بكداش كان بيشتغل في بيع عصير الليمون البارد في محل والده ودا كمان من الذ الحاجات اللي شربتها في سوريا ,كدا واضح انى كنت مقضياها أكل,الشاب دا جرب يخلط الحليب مع نبات بيظهر على الجبال السوريه وهو نبات السحلب ويبردهم مع بعض في الفريزر فعجبته النتيجة ومن هنا بدءت البوظه العربيه واصبح محل بكداش في سوق الحميدية بدمشق هو اول واقدم واشهر محل للبوظه العربية الى وقتنا هذا .الحقيقة طعمها عربي اوي ,يعنى ايه عربي اوي؟يعنى حلو اوي.ياللا بينا نبدأ باسم الله
إفتح في تطبيق كوكبادالخطوات
- 1
تحضير الخليط الأول: نضع اللبن في اي إناء ممكن وضعه على النار ونضيف النشا ونقلب على البارد. نطحن المستكه والسكر. نضيف لخليط اللبن والنشا,المستكة والسكر والقشطة ونقلب على البارد. نرفع الخليط على النار الوسط مع التقليب المستمر حتى يتقل القوام قليلا ويبدء في الغليان. نهدئ النار ونقلب مع بداية الغليان حوالي 3 دقائق. نصفى الخليط علشان لو في اي تكتلات.
- 2
نترك الخليط يهدا تماما وندخله الثلاجه حوالي 3 ساعات عشان يكون بارد. في الوقت دا البولة اللي هنجهز فيها الخليط التاني ندخلها الفريزر فاضيه عشان هنحتاجها بارده
- 3
نضيف خليط المهلبية الخليط الأول لخليط الكريم شانتييه على 4 او 5 مرات وبعد كل مرة نخفق وهنوصل لخليط ناعم جداً ومتجانس ونغطى الخليط بكيس بلاستيك او بلاستيك فيلم وندخله الفريزر 3 ساعات لكن بعد كل ساعة وهو في الفريزر بخرجه من الفريزر وأخفقه بالمضرب
- 4
تحضير الخليط التاني: بعد ما نتاكد ان الخليط الأول بارد تماما نبدأ في بولة نخلط المواد الجافة الكريم شانتييه والسحلب واللبن البودرة وفي البولة البارده اللي حطناها في الفريزر نضع كريمة الحلويات ونضيف ليها المواد الجافة ونخفق بالمضرب الكهربائي لحد ما القوام يتقل
- 5
نفرد الخليط فوق الفستق وندخله الفريزر حوالي ساعتين. نخرج الصينية من الفريزر هتكون بدءت في التماسك نلفها اسطوانه زي ما بنلف السويسرول ونغلفها ثاني بورق زبدة او كيس بلاستيك وعليهم الومنيوم فويل ونسيبه في الفريزر 12 ساعة وبعد كدا نقدر نقطعها زي السويسرول وتقدم. طعمها لذىذ جداً
- 6
بعد خفق الخليط لآخر مرة نجهز صينية او بورد مستطيل وعليها ورق زبدة ونفرد عليها فستق لان البوظه العربية مشهورة بالفسدق معاها لكن اذا مش موجود ممكن نستخدم اي نوع مكسرات موجود او من غير خالص او جوز هند, سبرينكلز, تشوكليت شيبس.
- 7
انا بحب اقطعها قبل التقديم ب 5 او 10 دقائق وارش عليها رشة عسل ابيض. الطعم حكاااااااية
كلمات ذات صلة
وصفات مشابهة
وصفات ننصحك بمشاهدتها
التعليقات (14)
فعلا بكداش اطيب بوظة بكل سوريا