સૌ પ્રથમ બિસ્કિટ ને મીક્ષરમાં ક્રશ કરી લો. એકદમ ઝીણો ભૂકો કરવો. હવે બિસ્કિટ નો ભૂકો કર્યા બાદ. તેને એક વાસણ માં કાઢી લેવો. હવે તેમાં જરૂરયાત મુજબ ખાંડ ઉમેરવી. પછી તેમાં ચોકલૅટ એસેન્સ નાખવું. ત્યારબાદ બધાને હલાવી ને સારી રીતે મિક્ષ કરવું. પછી તેમાં દૂધ નાખવું.માપસર જાડું રાખવું બહુ પાતળું કરવું નહીં. પછી તેને ફેટવું સારી રીતે એકરસ થઈ ગયા પછી તેમાં સોડા નાખો. સોડા નાખવાથી બેટર એકદમ ફૂલી જશે.

હવે તૈયાર થયેલા આ બેટર ને એક વાસણ માં નાખવું. બેટર નાખતા પહેલા વાસણ માં ઘી લગાડવું જેથી વાસણ માથી સરળતાથી કેક નીકળી જાય. કુકર ની અંદર આવી જાઈ તેવું વાસણ લેવું. હવે આના પર થોડો મેંદો નાખી બરાબર ડસ્ટ કરવુ

કુકર માં નમક નાખી ગેસ પર ગરમ કરવા મૂકવું. નીચે કાઠો મૂકવો તેના પર કેક વાળું વાસણ મૂકવું. હવે કુકરનું ઢાકણ બંધ કરવું. અને કૂકરની સીટી કાઢી નાખવી. હવે તેને 30 થી 35 મિનિટ સુધી ધીમા ગેસ પર રાખવું. 30 મિનિટ પછી ચેક કરી લેવું. ચેક કરવા માટે ચપ્પુ ને કેકમાં નાખીને બહાર કાઢો જો ચપ્પુ ને કેક ના ચોટે તો કેક રેડી છે.

હવે કેક ને કુકર માંથી બહાર કાઢી લેવી. અને પછી તેને કિનારીથી છુટ્ટી પાડવી પછી તેને એક ડિશ માં ઊંધું રાખવું જેથી કેક આરામથી નીકળી જશે. આ કેક ટેસ્ટ મા ખુબ જ ફાઇન લાગે છે