اولا نقوم بطهي الحشوة نقلي صدر دجاج حتى يتحمر نضيفولو البصل و فلفل حلو حتى يذبالو نزيدلهم طماطم ونحمس مليح نزيد ملعقة طماطم مصبرة و نقلي مليح نضع توابل مع ملح و نصف كاس ماء و نخليها حتى طيب

للعجينة نفرغ حليب نزيدلو سكر خميرة ملح و زيت و نخلط نلم بالفرينة حتى نتحصل على عجينة طرية ماتتلاصقش في اليد ندلكها خمس دقائق و نخليها تختمر

بعد ما تختمر نقسمها الى كريتين نحكم كرة الاولى نحلها بالحلال نفرغ فوقها الحشوة و منبعد نحل الكرة تانية و نضعها فوق الحشوة نغلق الاطراف بالبيض مليح