غراتان بالبتنجان والبطاطس والبشاميل
الوصفه دي فرنسيه وهي الحقيقه طعمها حلو جداا وجوسي اوي متقولوش ده باذنجان دا باذنجان كيوت ومودرن اووي😂😂😂
غراتان بالبتنجان والبطاطس والبشاميل
الوصفه دي فرنسيه وهي الحقيقه طعمها حلو جداا وجوسي اوي متقولوش ده باذنجان دا باذنجان كيوت ومودرن اووي😂😂😂
إفتح في تطبيق كوكبادالخطوات
- 1
معلش لو المقادير والطريقه طويله عليكم بس هي وصفه حلوه وتستحق التجربه ويلا بينا نبدأ الوصفه😊😊
- 2
الأول هبدأ اقلي الباذنجان بعد ماقطعته بقشره لشرايح سميكه بيتقلي في الزيت لحد ماياخد لون ذهبي خفيف خالص وخرجيه على مناديل مطبخ وفي طاسه تانيه اقلي البطاطس الشرايح لحد لون خفيف ومش شرط تستوي هي يذوب تأخد لون بس
- 3
هنا هتحضري الصلصة في حله على النار وضيفي فيها معلقتين كبار زيت وانزلي بالبصله المبشوره وشوحيها بس وبعدين ضيفي عصير الطماطم ومعلقه الصلصة والثوم المفروم والبهارات وقلبيهم وسبيهم يتسبكو شويه واطفي النار وبعدين ضيفي الشبت والكزبره عليهم وسبيهم على جنب
- 4
ونبدأ خطوه البشاميل في حله على النار ضيفي مكعب الزبده والزيت وانزلي بالدقيق وحمريه بس مش اوي وبعدين ضيفي الحليب والشوربه ومكعب المرقه والبهارات ولو حابه تضيفي الجبنة اللي انتي تحبيها وقلبيه بالمضرب اليدوي لحد مايكون قوامه حلو ولا خفيف وسايل اوي ولا تقيل وسميك وكده البشاميل خلص
- 5
ابدأ ارص بقى هاتي صينيه مدهونه زيت وهتحطي اول طبقه وهي البطاطس ورشه كمون والطبقه تانيه الباذنجان وبعدين شويه من الصلصة وبعدين الفلفل الأخضر في النص وبعد كده بطاطس وبتنجان تاني وشويه صلصة على وجه الصينيه لحد ماتخصلي كل الكميه واخر حاجه تضفيها البشاميل وتدخليه الفرن على نار متوسطه لحد مايأخد لون حلو كده وريحته بتكون جميله خالص 😋 وبعدين خرجيه وقدميه وبألف هنا 😍💜
- 6
معلش بقى طولت عليكم😂 بس ياريت تجربوه وتقولولي رأيكم فيه وانا متأكده انه هيعجبكم 💜💜 أشوفكم على خير في وصفه جديده🤗
الكوكسناب
وصفات مشابهة
وصفات ننصحك بمشاهدتها
التعليقات (7)