في قدر نضع الماء يسخن ونقشر البطاطا ونغسلها ونقطعها دوائر ونضعها في القدر ونضيف الملح نقصو شويا نديروها مع البصل والزيت والفلفل الحار ونتركها الطيب جيداً حي تبدا تخثار اي المقة نتاعها ترجع بيضاء

وكي الطيب البطاطا نضيفلها قليل من العرق لصفر لمن بغا اللون الاصفر للبطاطا

وفي انا آخر نقطع البصلة مكعبات صغار و حبة الطماطم و وقليل من الشحمة الى مايحبهاش مايديرهاشوقليل من الملح والزيت حسب الرغبة انا نحبها مزية

نضعهوم فوق نار متوسطة يتقلاو جيداً ونضيف الفلفل العكري والطماطم المصبرة نصف ملعقة يتقلاو شويا

ونضيهوم للقدرة الى فيها البطاطا ونخليها تغلي شويا برك ونطفيولها

وفي قصعة ندير الدقيق انا نكيل بعلبة الكبيرة نتاع الطماطم الى تحب تخلط شويا دقيق نتاع قمح ولا شعير بلا ماننساو الملح ونلموها بالماء ونتكون طرية

ونهرسوها في المهراس ونفتتها (نحكوها) باليدين

نديرو الكسرة في الصحن ونسقوها بالمرق ونزينوها بالبيض وناكلوها بالبصل او زيت الزيتون والسمن..... الخ حسب الرغبة