نخلط الجميع المكونات ومنبعد نضيف الماء تدريجيا حتى نتحصل على العجينة اللي تكون القوام نتاعها طري طري جدآ جداً وندلكها مدة ربع ساعة ⌚

ونتركها تتخمر مدة ساعة او ساعتين المهم هيا قد ما ارتاحت العجينة اكتر قد ما يجي لمسمن نتاعنا هشيش وخفيف

بعد ما ترتاح نقسمها كرات متساوية ونبسط كل كرة بالزيت ولازم تكون رقيقة ومنبعد نطويها اربع مرات وكل طية ندير فوقها شوي زيت وزبدة دائبة مخلطين مع بعض ونتحصل على مربع ونبسطو شوي

وممبعد نشعل النار على الطاوة نتاعي واللي تكون فيها الزيت ونحط العجينة اطيب مع انها اطيب من التحت نقلبها ونطيبها من الفوق ونكمل باقي العجينة بنفس الطريقة وبالعافية