तांदूळ-उडदाची चकली /मुरुक्कू (chakali recipe in marathi)

Name: तांदूळ-उडदाची चकली /मुरुक्कू (chakali recipe in marathi)
Cuisine: भारतीय
Ingredients: 1आणि1/4 कप तांदूळ पीठ; 1/4 कप उडीद डाळ; 1 टीस्पून जिरे; 1/2 टीस्पून हिंग; 1 टेबलस्पून बटर; चवीनुसार मीठ

Ashwini Vaibhav Raut @ashwinivraut_81284

virar

#रेसिपीबुक
#week15

आपल्यापैकी अनेकजणींची चकलीची आठवण दिवाळी फराळाशी जोडलेली असेल. दिवाळी फराळाच्या ताटातील प्रत्येक पदार्थाच्या चवीसोबतच त्यांचा आकार, टेक्श्चर, आणि रंग स्पेशल असतो. करंजी, लाडू, अनारसे, शंकरपाळी, आणि चकली. काटेरी वेटोळ्याची खुसखुशीत चकली आपल्याला दिवाळीच्या आठवणीत घेऊन जाते, याचे एक कारण म्हणजे तेव्हा वर्षभर असे फराळाचे पदार्थ बनत नव्हते. तसेच दुसरे कारण म्हणजे, आपण या पदार्थांचा तेव्हा अगदी मनसोक्त आस्वाद घेतलेला आहे. दिवाळीला येणाऱ्या रेसिपी बुकची सांगता लाडक्या चकलीच्या रेसिपीने व्हावी हा एक सुंदर योगायोग आहे.

येथे आज चकलीची दक्षिण भारतीय, पारंपारिक 'मुरुक्कू' ही रेसिपी बनविली आहे. दक्षिणेला कर्नाटकात यास 'चकली' म्हटले जात असले तरी आणखी दक्षिणेकडे आंध्रप्रदेश, तेलंगणा, तामिळनाडू, केरळ आणि श्रीलंकेत याला 'मुरुक्कू' म्हणतात. तांदुळ आणि उडीद डाळ हे याचे मुख्य घटक. मुरुक्कू शब्दाचा स्थानिक भाषेत अर्थ पिळलेले अथवा मुरगळलेले. बनविण्यास सोप्पी, खाताना अतिशय कुरकुरीत काटेरी अशी ही 'मुरुक्कू'! फक्त ही बनविताना काही पथ्य पाळायला हवी, ती रेसिपी मधे लिहिलेली आहेतच...

#रेसिपीबुक
#week15

पुढे वाचा

तांदूळ-उडदाची चकली /मुरुक्कू (chakali recipe in marathi)

Ashwini Vaibhav Raut @ashwinivraut_81284

घटक

३० मिनिटे

1आणि1/4 कप तांदूळ पीठ
1/4 कपउडीद डाळ
1 टीस्पूनजिरे
1/2 टीस्पूनहिंग
1 टेबलस्पूनबटर
चवीनुसार मीठ

सेव्ह केले

कुकिंग सूचना

३० मिनिटे

1

प्रथम चित्रात दाखविल्याप्रमाणे सगळे साहित्य घ्यावे. आता एका pan मधे उडदाची डाळ खरपूस भाजून घ्यावी. थंड झाल्यावर मिक्सरमधून बारीक वाटून घ्यावी.
2

आता वाटलेली डाळ, तांदळाचे पीठ, जिरे, हिंग, बटर व चवीनुसार मीठ घालून मिक्स करावे. आवश्यकतेनुसार पाणी घालून मऊसूत पीठ मळून घ्यावे.
(हे पीठ मळून खूप वेळ ठेऊ नये, नाहीतर चकल्या तुटतात. जास्त प्रमाणात करायच्या असतील तर आवश्यकतेनुसार थोडे थोडे मळून घ्यावे.)
चकलीच्या सोर्याला तेलाचा हात लावून चकलीचे पीठ त्यात भरावे व चकल्या करून घ्याव्यात.
3

कढईत तेल चांगले गरम झाले आहे ह्याची खात्री करून नंतर मध्यम आचेवर चकल्या खरपूस तळुन घ्याव्यात. तेलाचे येणारे बुडबुडे बंद झाले, याचा अर्थ चकली व्यवस्थित तळली गेली आहे. थंड झाल्यावर हवाबंद डब्यात भरून ठेवाव्यात.
१५-२० दिवस सहज टिकतात.