نجهز الحشوة الاول:نقطع البانية صغير خالص و نشيلة علي جمب

نجيب حلة فيها معلقة سمنة و نخرط البصلة و ننزل بيها في السمنة تتشوح شوية اول ما تدبل ننزل بالتوم المفروم

ننزل بالتوابل و الكميه علي حسب الذوق و نقلبها مع البصل و التوم دقيقة بس و بعدها ننزل الفراخ و نقلب لحد ما تتشوح كلها و نوطي النار و نحط نص كوب مياه و نغطيها

ربع ساعة و نشوفها محتاجه مياه نزودها شوية و ننزل الفلفل المتقطع و الطماطم متقطعة و نغطيها تستوي براحتها خالص و لحد المياه ما تنشف

المكرونة بقا نسلق الكيس عادي و نشيله علي جمب

البشاميل: ٤ معالق سمنة و زيهم دقيق و نقلبهم حبة حلوين لحد ما الدقيق يدوب في السمنة و بعد كده ننزل باللبن واحده واحده و نقلب بالمضرب عشان ميكتلش معانا و نحط مثلثين جبنة او معلقتين بريزدون بالقشطة بتدي طعم حلو جدااا

نقلب البشاميل لحد ما توصلي للقوام اللي عايزاه و نطفي النار

هناخد معلقتين حلوين كده من البشاميل نحطهم عالمكرونة و نقلبها كويس

نجيب الصينية نحط فيها معلقة بشاميل كمان و ندهنها بيها و نحط اول طبقة مكرونة و بعدها الفراخ و نحط معلقتين بشاميل فوق الفراخ و شوية جبنة موتزاريلا او شيدر بتدي طعم برضو

و نحط الطبقة التانية من المكرونة و ننزل باقي البشاميل علي الصينية.

هتدخل الفرن نص ساعة من تحت لو فرنك حامي لو مش حامي سيبيها لحد ما تبتدي تحمر من الوش كمان و اطفي الفرن و شغلي الشواية تاخد وش و تحمر حلو كده و بسس 😘❤❤