بسم الله اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين ❤️

في البولة نضع اللبن و الخميرة و السكر والزيت والخل وبياض البيضة ونقلب كويس جداً

ننخل الدقيق مع الملح والبيكنج بودر ونضيفة على خليط السوائل و نعجن كويس جداً لو احتاجت سوايل نضيف ماء دافي او لبن دافي ونعجنها كويس جداً

نضيف الزبدة في الاخر خالص بعد ما تتعجن كويس ونعجن تاني

نغطيها ونسيبها تختمر ويتضاعف حجمها

نعجنها تاني بعد ما تختمر ونخرج كل الهوا منها

نسيبها تختمر تاني ويتضاعف حجمها

نقسمها كرات بحجم السندوتشات اللي عاوزاها ونريحها ١٠ دقائق

نأخذ اول كورة ونفردها دايرة ونحط حشوة الجبنة ونلفها رول ونقفل الجوانب ومن اسفلها كويس جداً وهكذا كل الكمية لحد ما تخلص

نرصها في صينية مدهونة بزيت.وندهن الوجه بخليط صفار البيض ونرش السمسم وحبة البركة وندخلها الفرن حامي لمدة ١٠ دقائق وبعدين نشغل الشواية لو مخدتش لون

اول ما تخرج نرشها بالبخاخة ونعطيها بفوطة نضيفة وبعدين نرش الفوطة تاني بشوية ماء ودي خطوة مهمة بتخلي المخبوزات تفضل طرية وتحتفظ بالبخار جواها فمتنشفش 👌

أخيرا اللهم أغفر لجدتي وارحمها واسكنها فسيح جناتك يارب ❤️