सर्वप्रथम एक पातेल्यात पाणी घेऊन ते उकळू द्यावे. त्यामध्ये एक टेबलस्पून बटर टाकावे. मीठ आणि थोडसं हिंग टाकावे.

नंतर त्या उकळत्या पाण्यामध्ये तांदळाचं पीठ टाकून ते चमच्याने ढवळत राहावे. जेणेकरून गुठळ्या होणार नाहीत. मग पाच मिनिटं झाकण ठेवून राहू द्यावे. थंड झाल्यानंतर त्यामध्ये ओवा, मिरे पावडर,जिरे टाकावे. पूर्ण थंड होऊ देऊ नये फक्त हाताला चटका लागणार नाही याची दक्षता घ्यावी.

आता पीठाला छान मळून घ्यावे. मळता मळता परत एक टेबलस्पून बटर टाकावे आणि छान त्याचा गोळा तयार करून घ्यावा. चकलीच्या साच्याला आत मधून तेल लावून घ्यावे.ह्या गोळ्यातलं काही सारण घेऊन चकलीच्या साच्यामध्ये छान भरून घ्यावे.

सारण भरून झाल्यावर चकलीच्या साच्याच झाकण बंद करावे व एका ताटाला तेल लावून त्यामध्ये या चकल्या तयार करून घ्याव्यात.

एका कढईमध्ये तेल गरम करून घ्यावे. त्यामध्ये एक एक करुन या चकल्या चार-पाच टाकून तळून घ्याव्यात. चकल्या टाकल्यावर गॅस मंद आचेवर करून घ्यावा. चकल्या छान तळून झाल्या की त्या आपोआप तेलावर तरंगतील. आता त्या बाहेर काढून घ्याव्यात.

आता आपल्या इन्स्टंट खुसखुशीत बटर चकल्या खाण्यासाठी रेडी आहेत. या हवाबंद डब्यात स्टोअर करून पण ठेवू शकतो. लहान मुलांना या चकल्या फार आवडतात. मोठेही तेवढ्याच आवडीने खातात बर का 🤩 तर नक्की करून बघा आणि सांगा कशा लागतात.