فته موزه ضاني
إفتح في تطبيق كوكبادالخطوات
- 1
اول شئ نسلق اللحمة و انا بضيف لمياه السلق حبهان و مستكه و ورق لوري و بصله متقطعه و فلفل اسود مجروش ونترك اللحمة تتسلق على نار هادئه
- 2
نبدأ تاني حاجه في عمل صوص الطماطم هنشوح الثوم في سمنه على زيت و لما ريحته تطلع و لونه يتغير شويه هنضيف الخل وملح وفلفل اسود و قبل ما هنضيف الطماطم هنأخذ نص كميه الثوم بالخل في طبق وهقولكوا هنعمل بيها ايه بعدين و نضيف بقي بعصير الطماطم ومعلقه معجون الطماطم ونتركها تتسبك كويس
- 3
نبدأ في ثالث خطوه وهيه تحميص العيش انا بحب اضيف على العيش ملعقة سمنه وملعقة صغيرة ثوم مفروم وملح وفلفل اسود واخلط العيش كويس مع كل المكونات دي ونضع العيش في الفرن يتحمص
- 4
اخر خطوه هنعملها الأرز هنشوحه في سمنه على زيت و معهم مستكه وحبهان لمده دقيقتين ثم نضيف المياه المغليه او مرقه اللحمة وملح و اول ما المياه تبدأ تتشرب هنغطي نخفض النار خالص و نتركه ٢٥ دقيقه هيكون استوي تماما ومتفتحوش عليه قبل الوقت ده كده بقي كل حاجه جاهزه عندنا نبدأ بقي نظبط الطبق
- 5
نضع العيش المحمص وعليه كميه من مرقه اللحمة و تكون ساخنه وكميه المرقه هترجع ليكو يعني انا بحب العيش مقرمش شويه مش بضيف كميه مرقه كثير ثم نضيف على العيش ايضاً كميه من الثوم بالخل اللي كنا تركينه على جنب وملعقة من صوص الطماطم وبعدين نضيف الأرز وعليه الصلصة واخر شئ على الوجه كميه من الثوم بالخل وبالنسبه للموز انا شوحتها في ملعقة سمنه ورشيت عليها ملح وفلفل اسود بس وبالهنا والشفا 😋👌🏻
Keywords
وصفات مشابهة
وصفات ننصحك بمشاهدتها
التعليقات