عمل المناقيش ب 4 حشوات مختلفة👌
#صدقة_جارية
انهاردة احنا هنعمل المناقيش يعنى مسافرين الشام ,البلاد الجميلة وناسها الطيبين. فلسطين الحبيبة لقلوبنا جميعا والقدس والمسجد الأقصى. سوريا ومدينة حماة الجميلة,لبنان وجمال شجر الأرز
الأردن ومدينة البتراء الأثرية القديمة
بس يا ترى قبل ما نتكلم عن المناقيش إيه اصل الخبز ؟وظهر امتى؟ و كان شكله إيه؟ من 800 سنة قبل الميلاد الخبز كان عبارة عن الحبوب المتوفرة فى كل دولة بيضفولها مياه ويشكلوها اقراص وتتساب فى الشمس لحد مايبان لها أصحاب ,اقصد لحد ما تجف.لكن طبعا الموضوع اختلف تماما مع الفراعنة فى مصر لأنهم اخترعوا الأفران , استخدموا حجر الرحى لطحن الحبوب وعمل الدقيق من الحبوب المختلفة سواء قمح او شعير او غيرهم ,كمان اكتشفوا الخميرة من الأعشاب البرية المتوفرة فى مصر ,يعنى نقدر نقول ان الفراعنة عملوا ثورة فى عالم الخبز وكانوا بيتعملو مع الخبز كرمز مقدس ,لانه ببساطه مصنوع من الحبوب المتوفرة على أرضنا والملح من بحرنا والخميرة واكتشفناها والمياه من النيل ,يمكن كان رمز لقوة مصروتقدمها وقتها اللى ترجع يوما ما ان شاء الله.
ما تيجوا نرجع الشام تانى ونسأل أهلها ,هى المناقيش اتسمت كدا ليه؟ فى رأيين ,ناس تقول عشان كانوا بينقشوا اطراف العجين بشكل معين عشان الحشوة ماتقعش فاتسمت مناقيش , وناس تانية تقول لا المناقيش جايه من كلمة نقش والنقش هو التلوين وبما اننا بنلون الخبز بالحشوة يعنى بننقش الخبز فجت كلمة مناقيش.أنا بحب مناقيش اللبنة اوى والزعتر ,جنى بتحب ميكس الجبن ومحمود بيحب اللحم.انتوا بتحبوا إيه؟اقولكم تعالوا نعملهم الأربعة,ان شالله ما عن حد حوش.ياللا بينا نبدء باسم الله
عمل المناقيش ب 4 حشوات مختلفة👌
#صدقة_جارية
انهاردة احنا هنعمل المناقيش يعنى مسافرين الشام ,البلاد الجميلة وناسها الطيبين. فلسطين الحبيبة لقلوبنا جميعا والقدس والمسجد الأقصى. سوريا ومدينة حماة الجميلة,لبنان وجمال شجر الأرز
الأردن ومدينة البتراء الأثرية القديمة
بس يا ترى قبل ما نتكلم عن المناقيش إيه اصل الخبز ؟وظهر امتى؟ و كان شكله إيه؟ من 800 سنة قبل الميلاد الخبز كان عبارة عن الحبوب المتوفرة فى كل دولة بيضفولها مياه ويشكلوها اقراص وتتساب فى الشمس لحد مايبان لها أصحاب ,اقصد لحد ما تجف.لكن طبعا الموضوع اختلف تماما مع الفراعنة فى مصر لأنهم اخترعوا الأفران , استخدموا حجر الرحى لطحن الحبوب وعمل الدقيق من الحبوب المختلفة سواء قمح او شعير او غيرهم ,كمان اكتشفوا الخميرة من الأعشاب البرية المتوفرة فى مصر ,يعنى نقدر نقول ان الفراعنة عملوا ثورة فى عالم الخبز وكانوا بيتعملو مع الخبز كرمز مقدس ,لانه ببساطه مصنوع من الحبوب المتوفرة على أرضنا والملح من بحرنا والخميرة واكتشفناها والمياه من النيل ,يمكن كان رمز لقوة مصروتقدمها وقتها اللى ترجع يوما ما ان شاء الله.
ما تيجوا نرجع الشام تانى ونسأل أهلها ,هى المناقيش اتسمت كدا ليه؟ فى رأيين ,ناس تقول عشان كانوا بينقشوا اطراف العجين بشكل معين عشان الحشوة ماتقعش فاتسمت مناقيش , وناس تانية تقول لا المناقيش جايه من كلمة نقش والنقش هو التلوين وبما اننا بنلون الخبز بالحشوة يعنى بننقش الخبز فجت كلمة مناقيش.أنا بحب مناقيش اللبنة اوى والزعتر ,جنى بتحب ميكس الجبن ومحمود بيحب اللحم.انتوا بتحبوا إيه؟اقولكم تعالوا نعملهم الأربعة,ان شالله ما عن حد حوش.ياللا بينا نبدء باسم الله
إفتح في تطبيق كوكبادالخطوات
- 1
نخلط كل المكونات ونضيف الماء او اللبن الدافئ بالتدريج ونعجن العجينة ناعمة وطرية, نسيبها تخمر من ساعه لساعتين حسب حرارة الجو.بعد ما تخمر نشكلها كور للأحجام اللى احنا حابينها سواء حابين المناقيش كبيرة او صغيرة ونغطيها ونسيبها تستريح 5 دقاىق
- 2
الحشوات: زيت الزيتون هيكون صديقنا مع كل المناقيش خصوصا الزعتر طبعا. الحشوة الأولى ميكس الجبن وانا بحب خليط الموتزاريلا مع الشيدر. الحشوة التانية لحم مفروم نفرمه مع بصل وطماطم ناشفه وفلفل ورشة فلفل اسود وملح. الحشوة التالته اللبنه وممكن نرش على الوش رشة زعتر او نعناع مجفف. الحشوة الرابعه الزعتر ودا بيكون عبارة عن نص كوب زعتر مع نص كوب زيت زيتون, ملعقة كبيرة سماق و 3 ملاعق كبيرة سمسم
- 3
- 4
تجهيز المناقيش: احنا هنجهز المناقيش بطريقتين الطريقة الأولى هنخبزها فى الفرن ودى كانت مع مناقيش اللحم وميكس الجبن. هنسخن الفرن على حرارة عالية ممكن 200 وندهن صوانى الخبز زيت ونفرد المناقيش ونرصها على صوانى الخبز وندهنها زيت زيتون بالذات الاطراف ونفرد حشوة اللحم وميكس الجبن عليها
تدخل الفرن 10 دقايق لوحابينها طرية اول ما تخرج نغطيها بفوطة او نلفها بورق خبز
- 5
الطريقة التانية ودى المفضلة عندى واستخدمتها مع مناقيش الزعتر واللبنة. نستخدم طاسة او صينيه تيفال او اى سطح غير لاصق على البوتاجاز من فوق والحرارة تكون اعلى من الوسط قليلا نحط المنقوشه ونستنى لحد ما العجين يكون فقاعات صغيرة تظهر والمنقوشة من تحت تقرمش وتاخد لون جميل بعد كدا ادهنها زيت زيتون كويس واكتر على الاطراف ونحط الحشوة سواء خليط الزعتر او اللبنه ننزلها تحت الشواية دقيقتين لحد ما الأطراف تلون وتقرمش, روعة زى كدا المناقيش اللى بتطلع من الأفران الفخار البلدى,بتكون حلوة جدا
- 6
كمان ممكن بعد ما عملنا المناقيش على الطاسه نسيبها تهدا ونخزنها فى الفريزر من غير حشو واى وقت نفسنا فى منقوشة نطلعها من الفريزر تفك ندهنها زيت زيتون ونحط الحشوة ودقيقتين تحت الشواية وبس خلاص ولا أسرع ولا أطعم
- 7
يعنى شوفى كدا لما مامتك ولا جوزك وولادك او اصحابك يقولولك نفسنا فى مناقسش تطلعى بمناقيش بعد 5 دقايق, فرحوا نفسكم بالحاجات البسيطه ومطرح ما يسرى يمرى
كلمات ذات صلة
وصفات مشابهة
وصفات ننصحك بمشاهدتها
التعليقات (2)