إفتح في تطبيق كوكبادالخطوات
- 1
للعجينة : على النار نضع الماء و الزبدة و السكر و رشة الملح نسيبهم لحد الزبدة تذوب تماما نرفع الخليط من على النار و نضع الدقيق و نقلبه مع الماء و بعدين نرجعه على النار لمدة دقيقة لحد العجينه ماتلم و تبقى متماسكة
- 2
و بعدين نرفع الخليط و نسيبه يهدا شوية و بعدين نحط البيض بيضه بيضه نضع اول بيضه و نعجنها بالملعقة او السباتيولا لحد متختفي في العجين و هكذا لحد ٣ بيضات و بعدين نختبر العجين لو لقيته ناشف بيقطع مش بيمط يبقى نزود البيضه الرابعة و نقلبهم كويس جداً في العجين
- 3
نحط العجين في كيس الحلواني ممكن من غير قمع تزيين او لو استخدمنا قمع نحاول يكون واسع بقدر الامكان ميكونش ضيق و نشكلها في صينيه يفضل تيفال لعدم الالتصاق و ممكن نفرش في الارضية ورق زبده يفضل
- 4
نخبزها في فرن ١٨٠ درجة لمدة ٤٠ دقيقه و تتعامل معاملة الكيك نحاول منفتحش عليها قبل الوقت
- 5
طريقة الباستري نضرب صفار البيض و السكر بالمضرب لحد ميبقاش لونه فاتح و بعدين نخلط معاه النشا و نكون مسخنين اللبن مش مغلي و ننزل بشوية لبن على خليط البيض و نقلبهم مع بعض و بعدين نرجع ننزل الخليط كله مع باقي اللبن و نحركه على نار هادية لحد. ما يتقل و يبقى زي المهلبية و بعدين نطفي عليه و نحط عليه الزبده و الفانيليا
- 6
طريقة الحشو اما نخرم البيتي شو من تحت و نحشيها او نفتحها من الجنب زي الساندوتش و نحط الكريمة في كيس حلواني و نحشي بيها و ننزل بيها في الجناش
- 7
طريقة الجناش بنسخن الكريمة كويس و بعدين ننزل بيها على الشوكولاته لحد متذوب و يبقى زي صوص الشوكولاته التقيل و بالهنا و الشفا
كلمات ذات صلة
وصفات مشابهة
وصفات ننصحك بمشاهدتها
التعليقات (5)