सर्वात प्रथम रवा भाजायला घ्या. रवा भाजताना १ टिस्पून तूप टाका. रवा चांगला खरपूस भाजून घ्या. रवा भाजून झाला कि एका प्लेटमध्ये काढून ठेवा. कांदा, मिरच्या आणि कोथिंबीर बारीक चिरून घ्या.

एका पातेल्यात तेल गरम करा. एकिकडे टोपामध्यये पाणी गरम करत ठेवा. तेल गरम झाले की फोडणीला मोहरी, जीरं, हिंग, मिरच्या आणि कडिपत्ता घाला. कांदा घालून गुलाबी रंग येईपर्यंत परतून घ्या. कांदा परतून झाला की रवा घाला. चांगले मिक्स करून घ्या.

रवा परतून झाल्यावर गरम पाणी घालून ढवळा. मीठ आणि साखर टाकून वरती झाकण ठेवून द्या. फक्त दोन मिनिटे शिजवा.

दोन मिनिटात रवा चांगला फुलून येईल. परत एकदा परतून घ्या. वरती कोथिंबीर घालून गॅस बंद करा.